Гүлсәуле Орумбаева

Гульсауле Орумбаева
Гульсауле Орумбаева

Гүлсәуле Орумбаева

Көркемдік жетекшісі, Бас балетмейстер Қазақстан Республикасының, Еңбек сіңірген өнер қайраткері.

А. Селезнев атындағы хореографиялық училищасының түлегі – Орумбаева Гүлсәуле айрықша келбеті, әсемдігі, үлкен еңбекқорлығы, ұлттық хорегорафия туралы терең білімі және тамаша орындауымен «Гүлдер» ансамблі көркемдік жетекшісінің назарын бірден өзіне аударды.

Еңбек жолы оны ансамбльдің солисті ретінде тағайындаудан басталды.

Малайзия, Сингапур, Шри-Ланка, Пакистан, Бирме, Германия, Бельгия, Түркия, бұрынғы КСРО-ның барлық кеңестік республикаларындағы гастрольдер, оның басты өнер бағытын – дүние халықтары билерінің үздік орындаушысы ретінде анықтады.

Педагогигалық институтты аяқтағаннан соң ол өзінің ұлттық билерді, әлем халықтарының билерін орындауда жинақтаған тәжірибесін балеттің жас бишілерімен бөлісті.  

Қазақ биі бойынша оқулықтар, оқытуға арналған әдістемелік ережелер, қазақ биін үйрету бойынша бағдарламалар сияқты ғылыми және әдістемелік еңбектерінің барлығы үлкен өнер жолының нәтижелері.

Алматы Мемлекеттік университетінің хореография бөлімінде сабақ беруі алыс және жақын шетелдегі Республиканың көптеген ұжымдарында табысты жұмыс істейтін түлектеріне тәжірибесін үйретуге және тәрбиелеуге мүмкіндік берді. Г. Орумбаеваның көптеген түлектері еңбек сіңірген әртіс және қайраткер атақтарына лайықты, халықаралық және республикалық байқаулардың лауреаттары болды.

Елбасшымыз Г. Орумбаеваның педагогикалық және шығармашылық қызметін жоғары бағалап, оған «ҚР  еңбек сіңірген өнер қайраткері» атағы берілді.

Оның бай шығармашылығы және үздік тәжірибесі оған ҚР «Салтанат» Мемлекеттік би ансамблін басқаруға мүмкіндік берді. Оның Көркемдік жетекші және бас балетмейстер болып сайлануы қазақ халық сахналық хореографиясындағы ансамбль өнерінің дамуын түбегейлі өзгертті. Бұрын Қазақ КСР Халық әртісі Шара Жиенқұлованың ең үздік оқушысы болып, қазақ халық биін хореографиясын оның оқыту тәсілі бойынша үйренген Гүлсәуле Орумбаева шығармашылық үрдісті өзгертіп, қайта ұйымдастырды, халық би фольклоры және классикалық би мектебі синтезінде орын алатын жаңа стильді тудырды. Ондай әдіс сахнадан нағыз поэзияны, Қазақстан халық билерінің ішкі дүниесін және көркемдігін көрсетуге мүмкіндік берді.

Осы дерек Пусан қаласы (Оңтүстік Корея, 1998 ж.) халық билері ұжымының байқауында Халықаралық қазылар алқасымен бірауыздан аталып өтті.

Ансамбль ұжымы лауреат болып, дипломдармен марапатталды. Оның тәжірибесі және таланты ұжымның әрі қарай өсуіне жаңа қарқын берді.

Көркемдік жетекшінің артықшылықтары – тәртіп және жұмысқа толығымен берілу. ҚР «Салтанат» Мемлекеттік би ансамблінде жұмыс істеу Республикадағы қайта құру және демократиялық өзгерістер уақытымен тығыз байланысты. Осы уақыт ішінде Гүлсәуле Орумбаеваның өнері және таланты бірнеше рет Мемлекеттік Үкімет марапаттарымен белгіленді:

2001 жыл – «Ерен еңбегі үшін» Медалі

2001 жыл – Қазақстан Республикасы Президентінің Құрмет грамотасы

1996 жыл  – «Қазақстанның еңбек сіңірген қайраткері» атағы

2007 жыл  – «Құрмет» Ордені

1998 жыл – «Астана» Медалі

2011 жыл – «Қазақстан Республикасының Тәуелсіздігіне 20 жыл» Мерекелік медалі

2015 жыл – «Қазақстан Республикасының Конституциясына 20 жыл» Мерекелік медалі

2015 жыл – «Парасат» Ордені

2015 жыл – «Қазақ хандығына 550 жыл» Медалі

2016 жыл – «Қазақстан Республикасының Тәуелсіздігіне 20 жыл» Мерекелік медалі.

Халық шығармашылығы Г. Орумбаеваның жұмысында негізгі орын алады. «Салтанат» ансамблінің репертуарына жаңа хореографиялық туындыларды жасау және кеңейту үшін шексіз мүмкіндіктер болған, ал Гүлсәуле Орумбаеваның қойылымындағы қазақ халық биі ұжым үшін достықтың белгісі және барлық концерттік қойылымдарда халықтардың бірлігі болып саналады.

Өткен жылы көрермендерге екі спектакль ұсынылды: Б. Жандарбековтың бір аттас романы «Томирис» және Жеңістің 70 жылдығына арналған «Отан үшін».

Шетелдік көрермендер мен сыншылар «Қазақстан Республикасы «Салтанат» би ансамблінің концертін тамашалау – бөтен елге барып, оның халқымен танысумен бірдей» деп бірауыздан пікір білдіреді. 

Көркемдік жетекшінің алда Қазақстанның хореографиялық мәдениетін гүлдендіру үшін өзінің кәсіби шеберлігімен және көрегендігімен, асқан дарынымен жүзеге асыруға тырысып жүрген көптеген шығармашылық ойлары мен жоспарлары бар.