АЛАШТЫҢ АБАЙЫ!
Бүгін Алматыда қазақтың ұлы ақыны, ойшыл әрі ағартушы Абай Құнанбайұлының 180 жылдығына арналған ауқымды шара өтті. “Алаштың Абайы” атты музыкалық-драмалық кешінде ҚР “Салтанат” мемлекеттік би ансамблінің балет артистері өнер көрсетті. Концертке ҚР Халық әртістері Асанәлі Әшімов, Тұңғышбай Жаманқұлов, Роза Рымбаева, Айгүл Қосанова, Қазақстанның еңбек сіңірген қайраткері Саят Мерекеұлы
және өзге де танымал өнер иелері қатысты.
Бағдарламада – Абай шығармаларынан шабыттанған театрландырылған көріністер, поэзия, вокалдық және аспаптық нөмірлер ұсынылды.
Тамыз айы бойы қалада 120-дан астам түрлі шара жоспарланған. Олардың қатарында – театр қойылымдары, поэзия кештері, әдеби сағаттар, көрмелер, концерттер, жастармен кездесулер, сондай-ақ спорттық, қайырымдылық және ағартушылық акциялар бар. Барлық іс-шара азаматтарды, әсіресе, жастарды ұлттық мәдениетке жақындатуға, қазақ әдебиетіне деген қызығушылықты арттыруға және Абай Құнанбайұлының рухани мұрасын терең ұғынуға бағытталған. Абай тұлғасы адамгершілік пен ағартушылықтың символы.
https://www.instagram.com/p/DNLcWVIIPSo/
