САЗГЕР ШӘМШІ ҚАЛДАЯҚОВТЫҢ ТУҒАНЫНА 95 ЖЫЛ!
Бүгін – «Қазақ вальсінің королі» атанған сазгер, Қазақстанның Халық әртісі Шәмші Қалдаяқовтың туған күні.
Шәмші Қалдаяқов 1930 жылы 15 тамызда Оңтүстік Қазақстан облысы, Отырар ауданында дүниеге келген. Оның әндері республикамыздың қай өңірі болмасын жиі айтылып, халық арасында арасында кең тараған. 2005 жылы оның «Менің Қазақстаным» әні Қазақстан Республикасының Мемлекеттік Әнұраны болып бекітілді.
Композитордың «Теңізде – толқында»,«Бақыт құшағында»,«Бәрінен де сен сұлу», «Ақмаңдайлым»,«Ақсұңқарым»,«Қайдасың», «Ана туралы жыр», «Қуаныш вальсі», «Ақ ерке – Ақ Жайық», «Арыс жағасында» және т.б бірқатар әндері қазақ сахнасында кеңінен шырқалып келеді.
Сазгер 40 жылдан астам шығармашылық қызметінде 300-ге жуық музыкалық туынды жазған. 1991 жылы композитор туралы ғұмырнамалық «Жылдарым менің, жырларым менің» атты деректі фильм түсірілді. 2002 жылы «Шәмші-ғұмыр» естеліктер мен мақалалар жинағы жарық көрген.
Даласын сазбен әлдилеген ұлы сазгердің есімі халқының есінде мәңгілікке сақталады.
