Баршаңызды Ұлы Жеңістің 79 жылдығымен шын жүректен құттықтаймыз! Бұл жарты əлемді жалмаған фашистік жүйені тізе бүктіру үшін жанын пида еткен батырлардың өшпес ерлігін ұлықтайтын мереке.
Қасиетті қазақ жерін мекендеген еңкейген қариядан еңбектеген балаға дейін тыл жұмысын жұмыла атқарып, ортақ жеңіске орасан зор үлес қосты.
Мəскеу түбінде жаудың қалың қолынан қаймықпаған Бауыржан Момышұлы, шебер ұшқыш — Талғат Бигелдинов пен Хиуаз Доспанова, Шығыстың қос шынары — Əлия Молдағұлова мен Мəншүк Мəметова, жүректі де білекті Рақымжан Қошқарбаев, Сағадат Нұрмағамбетов, Сергей Луганский, Леонид Беда жəне басқа да көптеген даңқты батырлар есімі ел есінде мəңгі сақталады.
Тәуелсіздігіміз тұғырлы, егемендігіміз баянды болсын! Әр шаңырыққа береке, қызметте табыс, денсаулық тілейміз.
Құрметпен, ҚР “Салтанат” мемлекеттік би ансамблі
9.05.2024 жыл
