ТУҒАН КҮНІҢМЕН АЛМАТЫ!
Алматы қаласы Бостандық ауданының әкімдігі мен ҚР «Салтанат» мемлекеттік би ансамблі қала күніне орай мерекелік концерт ұйымдастырды.
Шара махаббат пен мейрімділікті, бірлік пен татулықты насихаттады. Бұл концерт көрермендердің ұзақ уақыт естерінде қалары сөзсіз. Себебі бидің құдіреттілігі мен әсерлі қойылымдарды көрген қала тұрғындары тілсіз өнерден ерекше сезімге бөленіп, әдемілікті әр қойылымынан тамсана тамашалады.
ҚР «Мәдениет саласының үздігі» Рахат Сәрсенов Нұрғиса Тілендиевтің «Аққу» күйін шертсе, ансамбльдің балет артисі Балауса Сылқымбай мың бұрала биледі. Кешіміздің қонағы әнші Біржан Бәзілжанов пен Ілияс Байбосын әннен шашу шашты.